Places to visit in Dehradun
Places to visit in Dehradun – Dehradun mai Ghumane ki Jagah
Subah ki halki dhoop, pahadon se aa rahi thandi hawa, aur ek naya shehar explore karne ka excitement…”
Meri Dehradun ki journey kuch aisi hi shuru hui. Agar aap bhi apni next trip ke liye Dehradun mai ghumane ki jagah dhoondh rahe ho, toh tayyar ho jao kyunki main aapko ek chhoti si virtual yatra par le chalti hoon.
Har Ki Doon
Sabse pehla stop tha Har Ki Doon. Imagine kijiye – 3566 meter ki unchai par, charo taraf barf se dhaki peaks aur ek shant si valley. Yahan aake mujhe laga ki jaise waqt ruk gaya ho. Agar aapko trekking pasand hai toh March-June aur September-November iske liye perfect season hai.
Camping, nature ka sukoon aur pahadi logon ki simple lifestyle… Har Ki Doon ek unforgettable experience hai.
Rajaji National Park
Next din hum gaye Rajaji National Park. Ye 830 sq km me phaila hua hai aur asli adventure lovers ke liye ek heaven. Safari jeep me baithe-baithe ek taraf elephants, dusri taraf deer, aur kabhi kabhi tiger spotting ka thrill… Bas goosebumps aa jaate hain. Safari ka rent 2200/- se start hota hai aur 6 log ek jeep me easily baith sakte hain.
Maldevta Waterfall
Kuch der shor-sharabe se door rehna ho toh Maldevta waterfall best hai. Yahan ki tez behati nadi aur nature ka soothing sound aapko ekdum relax kar deta hai. Picnic mood ho ya self-time chahiye, ye ek must-visit spot hai.
Malsi Deer Park
Agar aap family ke saath aaye ho toh Malsi Deer Park zaroor jaana. Is mini zoo me deers ke alawa rabbits, peacocks, parrots, aur ek aquarium bhi hai. Bachchon ke liye ye jagah ekdum perfect picnic spot hai.
Sahastradhara
14 km door, ek aur magical place hai Sahastradhara. Yahan ke natural springs, ropeway ride aur Shiv temple isko aur bhi special bana dete hain. Aur haan, nearby water park me swings aur water slides bhi hain – matlab family aur friends dono ke liye ek all-in-one spot!
Robbers Cave
Dehradun ka sabse filmy spot hai Robbers Cave. 600 meter lambi gufa ke andar se paani girta hai, aur log usme chill karte hain. Kehte hain ek zamane me ek daku yahan British se chhup kar rehta tha, isliye iska naam Robbers Cave pada. Yahan ke local food stalls bhi worth trying hain.
Tapkeshwar Temple
City se 7 km door, Tapkeshwar Temple ek spiritual hub hai. Cave ke andar Shivling par natural water droplets girte hain – ek divine experience. Yeh wahi gufa hai jahan Guru Dronacharya ne tapasya ki thi, isliye ise Drona Gufa bhi kehte hain.
Mindrolling Monastery
Aur phir hum gaye Mindrolling Monastery. 107 ft unchi Buddha statue, colorful architecture aur Tibetan vibes… Aisa laga jaise chhoti Tibet aa gaye ho. Yahan ke Tibetan restaurants aur shops me authentic food try karna mat bhoolna.
Kaise Pahunchna Hai Dehradun?
- By Air: Jolly Grant Airport
- By Train: Dehradun Railway Station (direct trains from Delhi & other cities)
- By Bus: Haridwar & Delhi se regular bus service
- By Car: Apni gaadi se jaane ka maza hi alag hai, bas Google Maps on rakhiye.
Local Food aur Shopping
Dehradun ka asli maza uske food aur shopping me bhi hai.
- Food: Aloo ke Gutke, Bal Mithai, Paranthe aur Kaafi – ekdum authentic taste.
- Shopping: Rajpur Road, Paltan Bazaar aur Tibetan Market – handicrafts aur local goodies ke liye best.
Kitne Din Ka Trip?
Agar aap relaxed trip plan kar rahe ho toh 2-3 din kaafi hain. Lekin nearby places jaise Mussoorie, Rishikesh aur Haridwar bhi explore karna hai toh 5-6 din rakhna better rahega.
Final Thoughts
Meri Dehradun ki journey ekdum memorable rahi – thoda adventure, thoda spirituality aur bahut sara nature. Agar aap bhi apna agla vacation plan kar rahe ho, toh Dehradun mai ghumane ki jagah list ko apne bucket list me zaroor add kar lo.
