10 Famous Ganesh Temples in India
Lord Ganesha, the remover of obstacles, is worshipped first in every Hindu ritual. Discover 10 famous Ganesh temples across India from Mumbai’s Siddhivinayak to Rajasthan’s Ranthambore each with its own divine story, beauty, and spiritual charm.
Lord Ganesha – Vighnaharta aur Pehle Pooje Jaane Wale Devta
Lord Ganesha, Shiva aur Parvati ke putra, Hindu dharm mein Vighnaharta yani obstacles ke remover ke roop mein jaane jaate hain. Har shubh kaam ki shuruaat unke naam se hoti hai. Ganesh Chaturthi ke dauraan poore Bharat mein unke mandiron mein bhakti aur utsav ka mahaul hota hai bade-bade idols, dhol-tasha, modak aur rang-birangi processions se sheher jagmagaa uthte hain.
Aaj chaliye, jaante hain India ke 10 mashhoor Ganesh Mandir, jahan bhakton ka vishwas aur aastha dono apne charam par hote hain.
Siddhivinayak Temple, Mumbai
1801 mein sthapit yeh mandir “Navasacha Ganpati” ke naam se mashhoor hai matlab, yahaan maangi gayi har mannat poori hoti hai. Bollywood celebs aur politicians bhi yahan darshan ke liye aate hain. Mandir ki shobha aur bhakti dono hi dil ko choo jaati hain.
Dagdusheth Halwai Ganpati Temple, Pune
Is mandir ki chhavi pure Maharashtra mein alag hi hai! Ek sweet maker ne apne bete ke nidhan ke baad is mandir ka nirmaan karaya tha. Ganpati ka sona se sajaya gaya idol yahaan ka main attraction hai. Lokmanya Tilak ne public Ganesh festival ki shuruaat yahin se ki thi
Ganpatipule Temple, Ratnagiri
Konkan ke sundar samundari kinare par sthit, yeh west-facing self-manifested Ganesh murti bahut hi anokhi hai. Suraj ke dhalte hue is mandir se milne wala nazara divine experience deta hai.
Ucchi Pillayar Temple, Tiruchirapalli
Rock-cut temple hone ke saath-saath, yeh Trichy ka ek historical spot bhi hai. Yahaan se poore sheher ka panoramic view milta hai. Kaha jaata hai ki yahaan ka sambandh Ganesha aur Vibhishan ke ek purani katha se hai.
Kanipakam Vinayaka Temple, Chittoor (Andhra Pradesh)
Chola dynasty ne 11th century mein is mandir ka nirmaan karaya tha. Is mandir ka sabse vichitra fact hai Ganesh ji ka idol apne rang badalta hai! Saath hi, 21 din tak chalne wala Brahmotsavam festival yahaan ki shaan badha deta hai.
Moti Dungri Ganesh Temple, Jaipur
1761 mein bana yeh mandir Nagara-style architecture aur Scottish touch ke liye jaana jaata hai. Yahaan sthit Ganesh ji ki murti 500 saal purani hai! Jaipur ki bhakti bhari subah yahin se shuru hoti hai.
Kalamassery Mahaganapathy Temple, Kerala
1980s mein Raghunath Menon ne is mandir ka nirmaan karaya tha. Yahaan simplicity aur purity dono milegi. Ashta Dravya Maha Ganapathy Havana aur Gajapuja jaise rituals yahaan ke special highlights hain.
Varasiddhi Vinayagar Temple, Chennai
Besant Nagar ke is mandir mein Ganesh Chaturthi ke dauraan musical aur cultural programs hote hain. Mandir ka peaceful atmosphere dil ko sukoon deta hai.
Ganesh Tok Temple, Gangtok
Sikkim ke pahadon ke beech sthit yeh chhota sa mandir ek divine retreat hai. Yahaan se Kanchenjunga ke breathtaking views milte hain bhakti aur prakriti dono ka sangam
Ranthambore Ganesh Temple, Rajasthan
1000 saal purane Ranthambore Fort mein sthit, yeh India ka sabse purana Ganesh Mandir mana jaata hai. Ek unique tradition hai log apne shaadi ke invitations yahaan bhejte hain, taaki Ganpati ji ka ashirwad mil sake.
Ganpati Bappa Morya!
Yeh sabhi mandir sirf pooja ke sthal nahi, balki bhakti, itihaas aur sanskriti ke sangam hain. Har ek mandir apni kahani ke saath ek nayi shakti aur shanti ka ehsaas deta hai.